បាន Felix មក ពេលនេះ Chelsea ចង់បញ្ចេញ Aubameyang វិញហើយ
ក្រុមតោខៀវ Chelsea កំពុងចង់បញ្ចេញខ្សែប្រយុទ្ធ Pierre-Emerick Aubameyang ចេញវិញទៅហើយ បន្ទាប់ពីពួកគេសម្រេចបានការខ្ចីជើងកីឡាករ Joao Felix ពីក្រុម Atletico Madrid ។
ក្រុម Chelsea បានសម្រេចខ្ចីជើងកីឡាករ Felix ពីក្រុម AT Madrid មកហើយក្នុងតម្លៃខ្លួន៩លានផោននៅត្រឹមពាក់កណ្ដាលរដូវកាលនេះ។ ការមកដល់របស់កីឡាករវ័យក្មេងសញ្ជាតិព័រទុយហ្គាល់នេះ កំពុងធ្វើឱ្យក្រុមរបស់លោក Potter ចង់លក់ខ្សែប្រយុទ្ធម្នាក់ចេញវិញហើយ។ ម្នាក់នោះគឺ Pierre-Emerick Aubameyang ដែលពួកគេទើបតែនាំយកមកកាលពីរដូវក្ដៅកន្លងទៅ។
អតីតកីឡាករ Arsenal មិនបានបង្ហាញខ្លួននោះទេតាំងពីខែវិច្ឆិកាឆ្នាំ២០២២មក ខណៈដែលវត្ដមានរបស់ Felix នឹងធ្វើឱ្យគេធានាបានតែម្ដងថាមិនអាចមានឱកាសបានលេងនោះទេ។ ដោយសារតែបែបនេះហើយ ទើប Chelsea ចង់លក់ចេញវិញនៅខែមករានេះ។ បច្ចុប្បន្នមានដំណឹងមកថាក្លឹបមួយចំនួននៅ La Liga បានទាក់ទងដើម្បីនាំយកគេទៅហើយ៕
