លោក Todd Boehly ប្រធានក្លឹប Chelsea មានបំណងចង់បានខ្សែប្រយុទ្ធ Cristiano Ronaldo មកលេងឱ្យខ្លួនទៀតនៅខែមករាដើមឆ្នាំ២០២៣ ក្រោយពីបរាជ័យម្ដងហើយនៅទីផ្សារដោះដូរកីឡាករ។
កាលពីទីផ្សារដោះដូរកីឡាករកន្លងទៅ លោក Todd ចង់បាន Ronaldo មករួមក្រុមម្ដងហើយ ប៉ុន្តែកាលនោះអ្នកចាត់ការក្រុម Thomas Tuchel បានច្រានចោល មិនទទួលយកខ្សែប្រយុទ្ធរូបនេះឡើយ។ ខណៈដែលពេលនេះ Ronaldo កំពុងមានបញ្ហាជាមួយក្លឹប Man Utd ទៀត លោកប្រធានក្លឹបរូបនេះនឹកឃើញគំនិតយកខ្សែប្រយុទ្ធវ័យ៣៧ឆ្នាំមករួមក្រុមទៀតនៅខែមករា ដែលជាពេលសក្ដិសមបំផុតដើម្បីទាញគេចេញពីបិសាចក្រហម Manchester United បាន។
សូមបញ្ជាក់ថា CR7 នារដូវកាលនេះមិនសូវបានលេងទេក្រោមការដឹ
កនាំរបស់លោក Erik ten Hag ដោយគេត្រូវបម្រុងជាប់រហូត។ ដោយឡែកប្រកួតចុងក្រោយនេះទល់ក្រុម Spurs មិនព្រមប្ដូរចូល ហើយដើរចេញពីទីលានមុនកំណត់ទៀត ដែលធ្វើឱ្យលោក Ten Hag ត្រូវដាក់ពិន័យលើរូបគេ មិនឱ្យចូលលេង១ប្រកួតទល់ក្រុម Chelsea។ សម្ពាធ និងការមិនសប្បាយចិត្ដនេះហើយ អាចជាកត្ដាជំរុញឱ្យខ្សែប្រយុទ្ធវ័យ៣៧ឆ្នាំនេះចាកចេញពី Man Utd នៅខែមករាខាងមុខហើយ ប្រសិនបើមានក្លឹបណាទាក់ទងរូបគាត់នឹងទៅ លេងឲ្យក្រុមផ្សេងៗទៀត៕
