ប្រធានាធិបតីបារាំង ចង់ហៅកីឡាកររបួសទាំងអស់មកលើកទឹកចិត្តក្រុមនៅវគ្គផ្ដាច់ព្រ័ត្រ
លោក Emmanuel Macron ប្រធានាធិបតីបារាំង បានកោះហៅកីឡាករជម្រើសជាតិបារាំងដែលរបួសទាំងអស់មកទស្សនាការប្រកួត World Cup វគ្គផ្ដាច់ព្រ័ត្រនៅកាតា រវាងក្រុមបារាំងនិងអាហ្សង់ទីន។
Karim Benzema, Paul Pogba និង N’Golo Kante សុទ្ធតែមិនមានវត្តមាននៅក្រុមជម្រើសជាតិបារាំងនាព្រឹត្តិការណ៍ World Cup 2022 នេះទេ ដោយសារតែបញ្ហារបួស។ យ៉ាងណាមិញ បារាំងបើទោះជាអត់កីឡាករសំខាន់ៗនេះមែន ប៉ុន្តែពួកគេនៅតែធ្វើបានល្អ និងបានឡើងដល់វគ្គផ្ដាច់ព្រ័ត្រទៅហើយ ដើម្បីការពារតំណែងជើងឯកនេះទល់ក្រុមជម្រើសជាតិអាហ្សង់ទីននៅថ្ងៃទី១៨ខែធ្នូឆ្នាំ២០២២ខាងមុខនេះ។ ជាមួយការឡើងដល់វគ្គផ្ដាច់ព្រ័ត្រ២ឆ្នាំជាប់គ្នានេះដែរ លោក Macron ដែលជាប្រធានាធិបតីបារាំងពិតជាសប្បាយចិត្តមែនទែន។
លោក មានគម្រោងកោះហៅកីឡាករជម្រើសជាតិបារាំងដែលអវត្តមានទាំងអស់មកកាតាដើម្បីមើលការប្រកួតវគ្គផ្ដាច់ព្រ័ត្រនេះ។ ដោយនេះជាសញ្ញាល្អសម្រាប់បារាំង ដើម្បីជាការជួយលើកទឹកចិត្តគ្នាក្នុងការប៉ះក្រុមខ្លាំងឡាទីន អាហ្សង់ទីន នេះ៕
