ប្រេស៊ីល ក៏ចាប់អារម្មណ៍លោក Zidane ទៅដឹកនាំជម្រើសជាតិរបស់ខ្លួន
សហព័ន្ធបាល់ទាត់ប្រេស៊ីលក៏មានចំណាប់អារម្មណ៍ចង់បានលោក Zidane មកដឹកនាំក្រុមជម្រើសជាតិរបស់ពួកគេផងដែរ បន្ទាប់ពីលោក Tite ចាកចេញពីតំណែង។
លោក Tite បានចាកចេញពីតំណែងគ្រូបង្វឹកតែម្ដង បន្ទាប់ពីប្រេស៊ីលធ្លាក់ពី World Cup នៅត្រឹមវគ្គ៨ក្រុមចុងក្រោយ ដោយចាញ់ក្រូអាតនៅវគ្គប៉េណាល់ទី។ ក្រោយពីគ្រូបង្វឹករូបនេះចាកចេញទៅ ប្រេស៊ីលកំពុងស្វែងរកគ្រូបង្វឹកថ្មីមកទៀតហើយ ដើម្បីឱ្យបានមុនឆ្នាំ២០២៣ខាងមុខត្រៀមលេងពានរង្វាន់ផ្សេងៗទៀត។ ដោយក្នុងនោះ ប្រភពនៅបារាំងអះអាងថា Zidane ក៏ជាបេក្ខភាពមួយរូបអាចនឹងទៅដឹកនាំប្រេស៊ីលផងដែរ។
កន្លងទៅប្រេស៊ីលមានដំណឹងថាចង់បានលោក Jose Mourinho ទៅដឹកនាំក្រុមដែរ ប៉ុន្តែពួកគេទំនងជាពិបាកប្រជែងជាមួយជម្រើសជាតិព័រទុយហ្គាល់បន្ដិច ព្រោះនេះជាប្រទេសដើមកំណើតរបស់ Jose ផ្ទាល់។ យ៉ាងណាមិញ Zidane វិញអាចទំនងជាង ព្រោះការចង់ដឹកនាំបារាំងទំនងជាមិនអាចទេ ក្រោយពីលោក Didier មិនចាកចេញពីតំណែងគ្រូបង្វឹកនាពេលនេះឡើយ។ ដូច្នេះហើយ នេះជាឱកាសសម្រាប់ប្រេស៊ីលក្នុងការនាំយកគ្រូបង្វឹកវ័យក្មេងរូបនេះហើយ៕
