ប្រភពពីសារព័ត៌មានមជ្ឈិមបូព៌ា Al Nassr ទទួលខុសត្រូវត្រឹមតែ 10% នៃប្រាក់ខែរបស់ Ronaldo ហើយនៅសល់90%ត្រូវរាប់រងដោយរដ្ឋាភិបាលអារ៉ាប៊ីសាអូឌីត។
Ronaldo ទទួលប្រាក់បៀរវត្សរ៍ពីរដ្ឋាភិបាលអារ៉ាប៊ីសាអូឌីត
នៅចុងឆ្នាំ 2022 ក្រុម Al Nassr ដែលជាក្រុម Saudi Pro League បានធ្វើឱ្យពិភពលោកភ្ញាក់ផ្អើលនៅពេលដែលបានទិញយកRonaldo ពី Manchester United។ ខ្សែប្រយុទ្ធសញ្ជាតិព័រទុយហ្គាល់បានចុះកិច្ចសន្យារយៈពេល 2.5 ឆ្នាំជាមួយ Al Nassr ជាមួយនឹងប្រាក់ខែដ៏ច្រើន: 75 លានដុល្លារក្នុងមួយរដូវកាល។
នេះជាចំនួនទឹកប្រាក់មហាសាល សូម្បីតែសម្រាប់ក្រុមដែលមានសក្ដានុពលហិរញ្ញវត្ថុខ្លាំងដូចជា Al Nassr។ ទោះជាយ៉ាងណាក៏ដោយ យោងតាមព័ត៌មានពីសារព័ត៌មានអាស៊ីខាងលិចAl Nassr មិនមែនទទួលបន្ទុកតែម្នាក់ឯងទេក្នុងនៃការចំណាយប្រាក់បៀរវត្សរ៍សម្រាម់ CR7 ។
កាសែត Tasnimnews និង Isna បានរាយការណ៍ថា រដ្ឋាភិបាលនៃប្រទេសអាស៊ីខាងលិចមួយនេះ នឹងផ្តល់ប្រាក់បៀរវត្សរ៍ប្រហែល 90% នៃប្រាក់ខែរបស់ Ronaldo ។ ដូច្នោះហើយ Ronaldo នឹងទទួលបានប្រហែល 67.5 លានដុល្លារក្នុងមួយរដូវកាលពីរដ្ឋអារ៉ាប៊ីសាអូឌីត។
តម្លៃ 75 លានដុល្លារ/រដូវគឺគ្រាន់តែជាប្រាក់ខែដែល Ronaldo ទទួលបាននៅពេលគាត់ពាក់អាវ Al Nassr ។ តាមពិតទៅ ប្រាក់ចំណូលប្រចាំឆ្នាំសរុបរបស់ Ronaldo អាចឈានដល់ 200 លានដុល្លារពីកិច្ចសន្យាឧបត្ថម្ភ និងការផ្សាយពាណិជ្ជកម្មផ្សេងទៀត។
តាំងពីបានមកដល់ Al Nassr Ronaldo មិនបានបង្ហាញអ្វីច្រើនទេ។ កីឡាកររូបនេះមិនទាន់រកបានគ្រាប់បាល់ដំបូងសម្រាប់ក្រុមថ្មីរបស់ខ្លួននៅឡើយទេ។ សូម្បីតែក្នុងការប្រកួតចុងក្រោយក៏ដោយ ខ្សែប្រយុទ្ធត្រូវបានគេរិះគន់នៅពេលដែលគេខកខានឱកាសរបស់ Al Nassr ក្នុងការដណ្ដើមពានមួយនៅអារ៉ាប៊ីសាអូឌីត។
ដំណឹងដ៏សោកសៅបានបន្តកើតមួយទៀត គឺRonaldo ទើបតែរងរបួស និងហានិភ័យនៃការអវត្តមានក្នុងការប្រកួតនាពេលខាងមុខរបស់ Al Nassr ។ គេអាចមើលឃើញថា ខ្សែប្រយុទ្ធព័រទុយហ្គាល់ជួបការលំបាកខ្លាំងក្នុងថ្ងៃដំបូងដែលមកអារ៉ាប៊ីសាអូឌីត។
