ស្អាតៗណាស់ កីឡដ្ឋានទាំង៨ ត្រៀមធ្វើជាកន្លែងប្រកួត World Cup នៅកាតា
ប្រទេសបារាំងជាជើងឯក World Cup 2018 ដែលបានធ្វើឡើងនៅប្រទេសរុស្ស៊ី ហើយឆ្នាំ២០២២ ប្រទេសកាតា នឹងធ្វើជាម្ចាស់ផ្ទះក្នុងព្រឹត្តិការណ៍ដ៏ធំមួយនេះ។ ក្នុងការត្រៀមខ្លួនប្រទេសកាតាបានត្រៀមកីឡដ្ឋានចំនួន ៨ កន្លែងដើម្បីដំណើរការប្រកួត។ ដោយ៨នោះរួមមាន៖
១ Lusail Stadium
ផ្ទុកមនុស្សបាន ៨ ម៉ឺននាក់
កសាងរួចរាល់ នៅឆ្នាំ២០២២
ទីតាំងនៅក្រុង Lusail
កីឡដ្ឋាននេះធ្វើឡើងលឿនមែនទែន និងក្លាយជាកីឡដ្ឋានធំជាងគេបំផុតនៅប្រទេសកាតា។ ក្រុង Lusail មានពលរដ្ឋត្រឹមតែ២សែននាក់ប៉ុណ្ណោះ ហើយកម្មករដែលប្រើប្រាស់ដើម្បីកសាងកីឡដ្ឋានគឺជាកម្មករដែលយកពីក្រៅប្រទេសមកទាំងអស់។ ក្រោយចប់ World Cup ភ្លាម កីឡដ្ឋាននេះនឹងត្រូវកែទៅជាមជ្ឈមណ្ឌលសហគមន៍ភ្លាម ហើយកៅអីក៏ត្រូវរុះរើនិងចែកទៅតាមទីលានបាល់នានាផងដែរ។
២ Ras Abu Aboud Stadium
ផ្ទុកមនុស្សបាន ៤ ម៉ឺននាក់
កសាងរួចរាល់ ចុងឆ្នាំ២០២១
ទីតាំងនៅ Doha មាត់ឆ្នេរ
កីឡដ្ឋាននេះជាកីឡដ្ឋានដំបូងគេដែលធ្វើឡើងពីកុងទីម័រ៩៧៤ ទូ។ វាត្រូវបានរៀបចំឡើងជាពិសេសតែម្ដងនិងមើលពីក្រៅទៅក៏ឃើញកុងទីម័រដែលគេបានរៀបជាប់ៗគ្នាផងដែរ។
៣ Al Thumama Stadium
ផ្ទុកមនុស្សបាន ៤ ម៉ឺននាក់
កសាងរួចរាល់ ចុងឆ្នាំ២០២១
ទីតាំងនៅ Doha
កីឡដ្ឋាននេះត្រូវបានធ្វើឡើងនៅកណ្ដាលក្រុង Doha តែម្ដង។ វាសាងសង់រួចរាល់នៅខែតុលាឆ្នាំ២០២១កន្លងទៅ ហើយចំណាយប្រាក់អស់ប្រមាណជាជាង៣០០លានដុល្លារឯណោះ។ ក្រោយចប់ World Cup កីឡដ្ឋាននេះក៏នឹងត្រូវកែច្នៃទៀតដែរ ដោយបន្ថយកៅអីអង្គុយមកនៅត្រឹម២ម៉ឺននាក់ប៉ុណ្ណោះ ដើម្បីបង្កផាសុខភាពបន្ថែមទៀត។
៤ Al Rayyan Stadium
ផ្ទុកមនុស្សបាន ៤ ម៉ឺននាក់
កសាងរួចរាល់ ចុងឆ្នាំ២០២០
ទីតាំងនៅ Al Rayyan
៥ Al Bayt Stadium
ផ្ទុកមនុស្សបាន ៦ម៉ឺននាក់
កសាងរួចរាល់ ចុងឆ្នាំ២០២១
ទីតាំងនៅ Al Khor
នេះជាកីឡដ្ឋានដែលនឹងបើកការប្រកួត World Cup នៅថ្ងៃទី២០ខែវិច្ឆិកាឆ្នាំ២០២២នេះ រវាងក្រុមម្ចាស់ផ្ទះកាតា និងអេក្វាឌ័រ។ ក្រោយពីចប់ World Cup កៅអីប្រមាណជាជិត៣ម៉ឺន នឹងត្រូវដកចេញដើម្បីចែកចាយទៅតារាងបាល់ទាត់ផ្សេងក្នុងប្រទេសផងដែរ។
៦ Education City Stadium
ផ្ទុកមនុស្សបាន 4ម៉ឺននាក់
កសាងរួចរាល់ ចុងឆ្នាំ២០២០
ទីតាំងនៅ Education City
៧ Al Janoub Stadium
ផ្ទុកមនុស្សបាន 4ម៉ឺននាក់
កសាងរួចរាល់ ឆ្នាំ២០១៩
ទីតាំងនៅ Wakrah
៨ Khalifa International Stadium
ផ្ទុកមនុស្សបាន 4ម៉ឺននាក់
កសាងរួចរាល់ ឆ្នាំ២០១៧
ទីតាំងនៅ Doha
