ហេតុអ្វី បារាំង បញ្ចេញបញ្ជីឈ្មោះកីឡាករត្រឹម២៥នាក់ខុសគេបែបនេះ?
ក្រុមបាល់ទាត់ជម្រើសជាតិបារាំង បានបញ្ចេញបញ្ជីឈ្មោះកីឡាករត្រឹមតែ២៥នាក់ប៉ុណ្ណោះសម្រាប់ទៅលេងនៅ FIFA World Cup 2022 នាប្រទេសកាតា ខណៈដែលគោលការណ៍ក្រុមអាចដាក់បានដល់២៦នាក់។
បើតាមប្រភពនៅបារាំងបានអះអាងថាលោក Didier Deschamps គ្រូបង្វឹកក្រុមជម្រើសជាតិបារាំងមានគោលបំណងចង់ទុកកៅអី១កន្លែងនេះតែម្ដង។ ដោយលោកនឹងបំពេញវាវិញនៅថ្ងៃទី១៤ឯណោះ។ ការធ្វើបែបនេះមានន័យថាបារាំង នឹងមានបញ្ជីឈ្មោះពេញ២៦នាក់ម្ដងទៀតនៅល្ងាចថ្ងៃទី១៤ខែវិច្ឆិកាឆ្នាំ២០២២វិញ។ ដោយកីឡាករម្នាក់ដែលនឹងត្រូវជ្រើសយកមកនោះ គឺយកចេញពីកីឡាករទាំង៥៥នាក់ដែលបារាំងបានបញ្ជូនទៅកាលពីពេលកន្លងទៅក្នុងបញ្ជីឈ្មោះបឋម។
រំលឹកថាក្រុមជម្រើសជាតិបារាំង ជាក្រុមការពារតំណែងជើងឯកនៃពានរង្វាន់ FIFA World Cup នេះ។ ពួកគេស្ថិតនៅពូល D ជាមួយក្រុមអូស្ត្រាលី ដាណឺម៉ាក និងទុយណេស៊ី៕
