ឪពុក Messi ៖ ខ្ញុំមិនគិតថា Leo នឹងលេងឱ្យ Barcelona ម្ដងទៀតទេ
លោក Jorge Messi ដែលជាឪពុករបស់ Lionel Messi បាននិយាយថាលោកមិនគិតថាកូនប្រុសនឹងត្រលប់ទៅលេងនៅក្លឹប FC Barcelona ម្ដងទៀតនោះទេ។
Messi នឹងផុតកុងត្រាជាមួយក្រុម PSG នៅត្រឹមចប់រដូវកាលនេះហើយ ខណៈដែលការបន្ដកុងត្រាថ្មី ឬទៅលេងនៅក្លឹបណាបន្ដនោះ នៅមិនទាន់ប្រាកដចិត្តនៅឡើយទេ។ PSG កំពុងព្យាយាមចរចាបន្ដកុងត្រាថ្មី ស្របពេលខាង Barcelona ដែលតែងតែនិយាយថាចង់បាន Legend របស់ខ្លួនត្រលប់ទៅវិញនោះ ក៏មិនទាន់មានដំណឹងអ្វីថ្មីដែរ ។
បើតាមការបញ្ជាក់ពីលោក Jorge Messi ទាក់ទងរឿងកូនប្រុសទៅលេងនៅ Barcelona វិញ ត្រូវបានលោកនិយាយបែបនេះថា៖ “ខ្ញុំមិនគិតថា Leo នឹងត្រលប់ទៅលេងនៅ Barcelona ម្ដងទៀតទេ។ រហូតមកដល់ពេលនេះមិនមានការស្នើអ្វីទាំងអស់ ហើយយើងក៏មិនបាននិយាយជាមួយប្រធានក្លឹប Laporta អ្វីដែរ”៕
