មេធាវីរបស់កីឡាករ Achraf Hakimi របស់ក្លឹប Paris Saint-Germain (PSG) លោកស្រី Fanny Colin បានចេញសេចក្តីថ្លែងការណ៍មួយ បន្ទាប់ពីកូនក្តីរបស់គាត់ ត្រូវបានចោទប្រកាន់ពីបទរំលោភសេព.សន្ថវៈ។ Colin អះអាងថា កូនក្តីរបស់ខ្លួនគឺគ្មានកំហុសនោះទេ។
យោងតាម ESPN ស្ត្រីអាយុ ២៤ឆ្នាំម្នាក់បានទៅប៉ូលីសកាលពីសប្តាហ៍មុនដោយចោទប្រកាន់ខ្សែការពារស្តាំរបស់ PSG ពីបទរំលោភ។ កាលពីថ្ងៃសុក្រ ទី៣ ខែមីនា ការិយាល័យអយ្យការនៃក្រុងប៉ារីសបានបង្ហាញថា Hakimi ត្រូវបានអ្នកស៊ើបអង្កេតសាកសួរនៅថ្ងៃព្រហស្បតិ៍ ទី២ ខែមីនា បន្ទាប់មក កីឡាករម៉ារ៉ុករូបនេះត្រូវបានចោទប្រកាន់ពីបទរំលោភសេពសន្ថវៈ ហើយដាក់នៅក្រោមការត្រួតពិនិត្យរបស់ប៉ូលីស។
ប៉ុន្តែ Colin បានបញ្ជាក់សារជាថ្មីអំពីភាពគ្មានកំហុសរបស់កូនក្តីរបស់នាង ដោយលើកហេតុផលថាជនរងគ្រោះដែលត្រូវបានចោទប្រកាន់មិនបានដាក់ ភស្តុតាងគ្រប់គ្រាន់។ សេចក្តីថ្លែងការណ៍របស់គាត់ បានចុះផ្សាយដោយ L’Equipe សរសេរថា៖
“ក្នុងអំឡុងពេលសវនាការ ដែលត្រូវបានអនុវត្តតាមសំណើរបស់គាត់ កីឡាករ Achraf Hakimi បានបដិសេធយ៉ាងម៉ឺងម៉ាត់ចំពោះការចោទ ប្រកាន់ដែលបានធ្វើឡើងប្រឆាំងនឹងគាត់។…បន្ទាប់ពីសវនាការពីរបីម៉ោង អ្នកផ្តល់ព័ត៌មានបានបដិសេធមិនដាក់ពាក្យបណ្តឹង បដិសេធមិន បញ្ជូនទៅពិនិត្យសុខភាព ឬពិនិត្យផ្លូវចិត្ត ហើយបដិសេធមិនប្រឈមមុខជាមួយ Achraf Hakimi។ តាមគំនិតរបស់ខ្ញុំ យោងតាមឯកសារ ដែលស្ថិតនៅក្នុងដៃរបស់ប៉ូលីសយុត្តិធម៌ ឯកសារដែល Hakimi មាន ក្នុងករណីនេះគឺជាកម្មវត្ថុនៃការប៉ុនប៉ងបោកប្រាស់តែប៉ុណ្ណោះ”៕
