លោក Mikel Arteta បានអះអាងថាខ្លួនមានអារម្មណ៍ប្លែកដែលពិបាកនិយាយនៅពេលដែលអាចប្រជែងពានរង្វាន់ជាមួយអតីតគ្រូ Pep Guardiola បាន។
លោក Arteta មុនមកដឹកនាំក្រុម Arsenal គឺលោកធ្វើជាគ្រូជំនួយនៅក្លឹប Man City ដែលលោក Pep ជាអ្នកចាត់ការក្រុម។ អំឡុងពេលនោះ គ្រូបង្វឹកទាំងពីរនាក់មានភាពស្និទស្នាលគ្នាមែនទែន និងលោក Arteta បានរៀនសូត្រច្រើនពីលោក Pep ដែលជាចំណុចមួយធ្វើឱ្យលោកដឹកនាំ Arsenal ទទួលបានជោគជ័យដូចរាល់ថ្ងៃនេះ។ បច្ចុប្បន្នក្រុមកាំភ្លើងធំកំពុងឈរកំពូលតារាង ខណៈដែល Man City របស់លោក Pep ឈរនៅលេខ២។
លោក Arteta បានបង្ហាញអារម្មណ៍របស់ខ្លួនបែបនេះថា៖ “វាពិតជាប្លែកសម្រាប់ខ្ញុំ។ ខ្ញុំចង់ឱ្យគាត់ទទួលបានល្អបំផុត។ នៅពេលអ្នកត្រូវប្រកួតប្រជែងជាមួយមនុស្សដែលអ្នកគោរព វាពិតជាមានអារម្មណ៍ប្លែកមែនទែន។ បើអាចខ្ញុំមិនចង់ប្រកួតប្រជែងជាមួយគាត់នោះទេ”៕
