ក្លឹប Atletico Madrid និងខ្សែប្រយុទ្ធ Memphis Depay បានឈានដល់កិច្ចព្រមព្រៀងគ្នាហើយ ក្នុងការនាំយកកីឡាករហុល្លង់មកលេងនៅក្លឹបរបស់ខ្លួន។
Depay មិនសូវទទួលបានឱកាសបង្ហាញខ្លួននោះទេឱ្យក្រុម Barcelona ជាពិសេសក្រោមការដឹកនាំរបស់លោក Xavi ផ្ទាល់តែម្ដង។ កត្ដានេះហើយ ទើបធ្វើឱ្យកីឡាករចង់ចាកចេញដើម្បីទៅរកក្លឹបថ្មីលេងវិញ។ ក្នុងនោះ AT Madrid ជាក្រុមមួយដែលបានទាក់ទងគេ ហើយក៏បានចរចាគ្នាត្រូវហើយដែរ ដោយរង់ចាំតែការបន្ដទៅចរចាជាមួយក្លឹប Barcelona ទិញផ្ដាច់កុងត្រាទៀតប៉ុណ្ណោះ។
រំលឹកថា Depay នៅសល់កុងត្រាត្រឹម៦ខែទៀតប៉ុណ្ណោះនៅ Camp Nou ដូច្នេះហើយការចង់បានរបស់ AT Madrid គឺសក្ដិសមពេលវេលាតែម្ដង។ Barcelona នឹងទទួលបានកញ្ចប់ថវិការខ្លះដែរ ប្រសិនបើសម្រេចចិត្តលក់គេនៅពេលនេះ។ តែបើតាមប្រភពនៅអេស្ប៉ាញខ្លះ ក្រុមរបស់លោក Xavi ក៏មានបំណងចង់បានកីឡាករ AT Madrid ម្នាក់ដែរគឺ Carrasco ។ ដូច្នេះ វាអាចនឹងមានការប្ដូរកីឡាកររវាងក្លឹបទាំងពីរក៏ថាបាន៕
