អតីតខ្សែប្រយុទ្ធ Gareth Bale បានប្រកាសថាខ្លួននឹងចូលរួមប្រកួតពានរង្វាន់វាយកូនគោលលក្ខណៈអាជីពនៅពេលខាងមុខនេះ បន្ទាប់ពីប្រកាសចូលនិវត្តន៍ពីវិស័យបាល់ទាត់បាន២សប្ដាហ៍។
PGA Tour គឺជាការប្រកួតវាយកូនគោលដែលមានកីឡាករជាច្រើននាក់ចូលរួម។ ដោយក្នុងនោះក៏មាន Bale ម្នាក់ដាក់ឈ្មោះប្រកួតផងដែរ។ ការប្រកួតនឹងធ្វើឡើងនៅដើមខែកុម្ភៈឆ្នាំ២០២៣ខាងមុខនេះ ដោយប្រាក់រង្វាន់បានដល់ទៅ៩លានដុល្លារឯណោះ។ ពានរង្វាន់មួយនេះ នឹងមានអ្នកចូលរួមដល់ទៅ១៥៦នាក់ ហើយក៏មានកីឡាករអាជីពបទពិសោធច្រើនឆ្នាំជាច្រើននាក់ចូលរួមផងដែរ។
Bale វ័យ៣៣ឆ្នាំបានបញ្ចប់ការងារជាកីឡាករបាល់ទាត់ទៅហើយ ក្រោយចំណាយពេល១៧ឆ្នាំជាមួយអាជីពមួយនេះ។ អតីតកីឡាករខាងលើ បានសម្រេចចិត្តប្រឡូកក្នុងវិស័យវាយកូនគោលម្ដង ដែលនេះជាចំណង់ចំណូលចិត្តរបស់គេផងដែរបន្ទាប់ពីបាល់ទាត់៕
