ខ្សែបម្រើ Bruno Fernandes មិនពេញចិត្តនោះទេ នៅពេលដឹងថាមានកម្មករធ្វើការលើសកម្លាំង និងស្លា.ប់ច្រើនរយនាក់ក្នុងការកសាងកីឡដ្ឋានដើម្បីប្រកួត FIFA World Cup 2022 នៅប្រទេសកាតា។
Bruno ជាខ្សែបម្រើជាប់ឈ្មោះលេងនៅជម្រើសជាតិព័រទុយហ្គាល់សម្រាប់ការប្រកួត World Cup 2022 នាពេលខាងមុខនេះ។ តែកីឡាករប្រកបអាជីពនៅក្លឹប Manchester United រូបនេះ បានបង្ហាញអារម្មណ៍ផ្ទាល់ខ្លួនថាគេមិនពេញចិត្តឡើយ នៅពេលដឹងថាមានកម្មករ ធ្វើការច្រើនលើសកម្លាំង និងស្លា.ប់ជាច្រើននាក់ដើម្បីកសាងកីឡដ្ឋានប្រញ៉ាប់ឱ្យទាន់ការប្រកួត World Cup នៅឆ្នាំនេះ។ Bruno ថាគេចង់លេងបាល់ដើម្បីឱ្យមានភាពស្មើគ្នា និងបាល់ទាត់សម្រាប់មនុស្សគ្រប់គ្នា មិនគេងចំណេញលើកម្លាំង ញើសឈាមនរណាទេ។
Bruno បាននិយាយថា៖ “វាពិតជាការប្រកួតចម្លែកមែន។ វាមិនមែនជាពេលវេលា យើងចង់លេង World Cup នោះទេ។ សម្រាប់អ្នកគាំទ្រ និងកីឡាករ ក្មេងៗនឹងនៅសាលា ហើយគ្រប់គ្នាក៏នៅកំពុងធ្វើការដែរ។ ពេលវេលានេះ មិនមែនល្អសម្រាប់មនុស្សដើម្បីមើលការប្រកួតនោះទេ។ យើងចង់បានបាល់ទាត់សម្រាប់មនុស្សគ្រប់គ្នា”៕
