Conor McGregor កំពូលតារា UFC បានបង្ហើបថាគាត់ “ស្រលាញ់” នៅក្នុងការទិញក្លឹបយក្ស Premier League គឺហង្សក្រហម Liverpool។
Liverpool ត្រូវបានដាក់លក់ដោយ Fenway Sports Group នៅសប្តាហ៍នេះបន្ទាប់ពីគ្រប់គ្រងជាកម្មសិទ្ធិរយៈពេល១២ឆ្នាំ។
ក្លឹបយក្សអង់គ្លេសមួយនេះត្រូវបានគេរំពឹងថានឹងទាក់ទាញម្ចាស់ថ្មីដែលមានសក្តានុពលជាច្រើនក្នុងរយៈពេលប៉ុន្មានខែខាងមុខនេះ។
ហើយមហាសេដ្ឋី McGregor អះអាងថាបានសាកសួរពីតម្លៃដាក់លក់ក្លឹបមួយនេះពី FSG។
នៅពេលត្រូវបានគេសួរថាតើគាត់មានចំណាប់អារម្មណ៍ក្នុងការទិញហង្សក្រហមដែរឬទេ McGregor បាននិយាយថា៖
“ខ្ញុំពេញចិត្តនៅក្នុងការទិញ! ខ្ញុំបានស្នើសុំព័ត៌មានបន្ថែមអំពីរឿងនេះ ហើយឆាប់ៗនេះខ្ញុំនឹងទទួលបាន។ នេះជាការដាក់លក់ដ៏អស្ចារ្យ! ហើយក៏ជាក្លឹបដ៏អស្ចារ្យ។”
McGregor អតីតម្ចាស់ជើងឯកក្របខ័ណ្ឌ UFC ពីរសម័យកាលរូបនេះ មិនចម្លែកទេក្នុងការបង្ហាញពីចំណាប់អារម្មណ៍ក្នុងការទិញក្លឹប Premier League ខណៈដែលគាត់ធ្លាប់ចង់ទិញក្លឹប Chelsea កាលពីដើមឆ្នាំនេះពីមហាសេដ្ឋីរុស្ស៊ី Roman Abramovich ម្តងរួចទៅហើយ៕
