លោក Antonio Conte បានអះអាងថាក្រោយពីចាញ់ AC Milan កាលពីម្សិលមិញនៅ UEFA Champions League ទំនងជាតំណែងរបស់លោកនឹងត្រូវរបូតមុនដាច់រដូវកាលនេះហើយ។
Spurs បានធ្លាក់ចេញពីពានរង្វាន់ UEFA Champions League នៅត្រឹមវគ្គ១៦ក្រុមចុងក្រោយហើយ ដោយចាញ់ក្រុម AC Milan គិតទាំងពីរជើង ១-០។ បរាជ័យនេះដែរ នឹងធ្វើឱ្យថ្នាក់ដឹកនាំក្រុមSpurs កាន់តែមិនពេញចិត្តចំពោះការដឹកនាំរបស់លោក Conte ថែមទៀតហើយ។ ដោយសូម្បីតែសាមីខ្លួន ក៏បានដឹងរឿងនេះច្បាស់ផងដែរ។ លោក គិតថាក្លឹបអាចនឹងបណ្ដេញលោកចេញពីតំណែងអាចនឹងមិនដល់ចប់រដូវកាលនេះនោះទេ។
លោក Conte បានបង្ហើបថា៖ “កុងត្រាខ្ញុំនឹងផុតនៅដាច់រដូវកាលនេះ។ យើងនឹងបានឃើញទាំងអស់គ្នា ពួកគេប្រហែលជានឹងបណ្ដេញខ្ញុំចេញមុនចប់រដូវកាលនេះផង។ គ្មាននរណាដឹងមុនឡើយ ប្រហែលជាពួកគេពិបាកចិត្តជាមួយនឹងលទ្ធផលនៅប៉ុន្មានប្រកួតមកនេះ”៕
