លោក Didier Deschamps គ្រូបង្វឹកក្រុមជម្រើសជាតិបារាំង បានអះអាងថាលោកមិនទាន់ច្បាស់ពីអនាគតដឹកនាំក្រុមបារាំងទៀត ឬយ៉ាងណានោះទេ ក្រោយពីបានជើងឯករងពានរង្វាន់ FIFA World Cup 2022 នេះ។
បារាំងដែលជាក្រុមការពារតំណែងជើងឯក មានទំនុកចិត្តថានឹងអាចលើកពាននេះម្ដងទៀត ប៉ុន្តែសោកស្ដាយពួកគេទាត់ប៉េណាល់ទីមិនច្បាស់នោះទេ បរាជ័យក្រោមថ្វីជើងអាហ្សង់ទីនទៅហើយ។ ក្រោយពីខកបំណងនៅ World Cup 2022 នេះ លោក Didier Deschamps មិនប្រាកដចំពោះអនាគតរបស់ខ្លួនឡើយ។ ដោយលោកអះអាងថា ទោះជាជួយបារាំងលើកពានក្ដី ក៏ការបន្ដដឹកនាំបារាំងទៀតឬអត់ គឺជារឿងស្រពិចស្រពិលផងដែរ។
អតីតកីឡាករធ្លាប់ឈ្នះ World Cup និងដឹកនាំបារាំងឈ្នះ World Cup ទៀតខាងលើបាននិយាយថា៖ “បើទោះជាយើងឈ្នះ ក៏ខ្ញុំនៅមិនទាន់អាចឆ្លើយសំនួររឿងបន្ដដឹកនាំបារាំងទៀតឬអត់ដែរ។ ខ្ញុំនឹងនិយាយជាមួយប្រធានសហព័ន្ធកីឡាបាល់ទាត់បារាំងសិនចំពោះអនាគត”។ រំលឹកថាមានដំណឹងជាច្រើនអះអាងថាលោក Didier Deschamps នឹងដឹកនាំបារាំងត្រឹម World Cup 2022 នេះទេ ដោយក្រោយពីលោកបារាំងនឹងតែងតាំង Zidane មកដឹកនាំក្រុមបន្ដម្ដង៕
