Erik ten Hag មិនខ្លាចក្នុងការឱ្យ Antony កែប្រែ រឿងលេងស្ដាយបង្វិលខ្លួននោះទេ
លោក Erik ten Hag អ្នកចាត់ការក្រុម Manchester United បាននិយាយថារឿងដែល Antony លេង Freestyle បង្វិលខ្លួនមួយជុំ លោកមិនខ្វល់អ្វីឡើយ តែបើគេលេងមិនល្អទេលោកត្រូវតែដូរចេញហើយ។
ក្នុងការប្រកួតទល់នឹងក្រុម Sheriff នៅយប់មិញនេះ Antonyទទួលបានឱកាសជាប់ជម្រើសដំបូង និងបានលេង Free Style បង្វិលខ្លួនជាមួយបាល់ថែមទៀតផងនៅតង់ទី១។ តែឈានដល់តង់ទី២ រូបគេក៏ត្រូវបានលោក Erik ten Hag ប្ដូរចេញ ដោយជំនួសវិញ Marcus Rashford ដែលជាអ្នករកបាន១គ្រាប់ក្នុងការប្រកួតនេះផងដែរ។ ទាក់ទងនឹងការដូរចេញនៅតង់ទី១នេះ ក៏ត្រូវបានអ្នកកាសែតសួរថាវាទាក់ទងនឹងការលេងស្ទាយច្រើនពេកឬយ៉ាងណាដែរ?
លោក Ten Hag បានអះអាងថាវាមិនទាក់ទងគ្នានោះទេ។ ដោយលោកនិយាយថា៖ “ខ្ញុំមិនមានបញ្ហារឿងការប្រើស្ទាយលេងបែបនេះឡើយ ប្រសិនបើគាត់មានគោលដៅច្បាស់លាស់។ ខ្ញុំចង់បានច្រើនពីគាត់ជាងនេះ ដោយលេងសម្រុកទៅមុខ និងបង្កើតឱកាសក្នុងប្រអប់ទីឱ្យច្រើន។ ប្រសិនបើអ្នកលេងស្ទាយបែបនេះ វាល្អបើមានគោលដៅច្បាស់លាស់ថានឹងត្រូវបោះទៅណាទៀត។ ប្រសិនបើលេងហើយបាត់បាល់ ខ្ញុំនឹងកែប្រែគាត់”៕
