Maguire ទម្លាយអារម្មណ៍ពិតបែបនេះ ក្រោយអត់សូវបានចូលលេង ក្រោយការដឹកនាំរបស់ Erik Ten Hag

ខ្សែការពារ Harry Maguire បានទម្លាយថារូបគេមិនទម្លាប់សោះដែលមិនបានចូលលេងបែបនេះ ក្រោយ Manchester United បានយកឈ្នះ Reading នៅពានរង្វាន់ Fa Cup កាលពីថ្ងៃទី២៩ខែមករាកន្លងទៅ។

Maguire បានជាប់ជម្រើស១១នាក់ដំបូងតែ៨ប្រកួតប៉ុណ្ណោះនៅរដូវកាលនេះ ក្រោមការដឹកនាំរបស់លោក Erik Ten Hag ដោយសារលោកចូលចិត្តដាក់ Raphael Varane និង Lisandro Martinez ។

Harry Maguire បាននិយាយថា៖ “ពិតណាស់ ខ្ញុំគឺជាកីឡាករដែលមានវ័យ២៩ឆ្នាំហើយ ខ្ញុំមិនធ្លាប់ឆ្លងកាត់រឿងបែបនេះទេនៅក្នុងអាជីពខ្ញុំ ដែលធ្វើអោយខ្ញុំមិនទម្លាប់សោះ។ ប៉ុន្ដែវាគឺជារឿងដែលកើតឡើងមួយផ្នែកក្នុងពិភពបាល់ទាត់”។