Man Utd ត្រៀមបំបែកកំណត់ត្រានាំយកខ្សែប្រយុទ្ធប្រអប់ថ្មី
បន្ទាប់ពីកីឡាករ Wout Weghorst និង Anthony Martial មិនទាន់ដល់កម្រិតនៃតម្រូវការរបស់លោក Erik ten Hag ជាហេតុនាំឲ្យក្លឹប ក្រឡេកទៅមើលអ្នកថ្មី ជាប្រយុទ្ធក្នុងប្រអប់ពោរពេញដោយបទពិសោធន៍នោះគឺ Harry Kane របស់ក្លឹបមាន់ខ្នាយមាស Spurs។
តាមកាសែត The Mirror ចុះផ្សាយថា Man Utd កំពុងរៀបចំកញ្ចប់ប្រាក់ដ៏ច្រើនក្រាស់ក្រែល ដើម្បីបំបែកកំណត់ត្រា Jack Grealish នាមកីឡាករអង់គ្លេសមានតម្លៃផ្ទេរខ្ពស់បំផុត កាលនោះ ១០០ លានផោន លក់ទៅអោយ Man City។ ប៉ុន្ដែពេលនេះ Man United អាចចាយលើសនោះ ចន្លោះ ១០៥ ទៅ ១១០ លានផោន ដើម្បីធានាអាចបំពេញចិត្តក្លឹបអាណាព្យាបាល។
បើផ្លាស់ចូល Man United កីឡាករវ័យ ២៩ ឆ្នាំខាងលើ រំពឹងនឹងអាចដោះខ្លួនពីកំណត់ត្រាអាក្រក់ គឺការខកខានមិនបានឈ្នះពានសូម្បីមួយ ដ្បិតអីទម្រង់លេងពេលចុងក្រោយរបស់ម្ចាស់ដី Old Trafford ហាក់ឡើងកូដខុសពីពេលមុន៕
