យោងតាម El Nacional កីឡាករ Kylian Mbappe បានបញ្ជាក់យ៉ាងច្បាស់ថាគាត់មិនសប្បាយចិត្តជាមួយ Paris Saint-Germain នោះទេ។ ខ្សែប្រយុទ្ធរូបនេះមិនពេញចិត្តនឹងលោក Christophe Galtier ហើយត្រូវបានគេរាយការណ៍ថាបានស្នើសុំឱ្យប្រធានក្លឹប Nasser Al-Khelaifi តែងតាំងលោក Zinedine Zidane ជាគ្រូបង្វឹកជំនួសវិញ។
Kylian Mbappe ត្រូវបានគេរំពឹងយ៉ាងមុតមាំថានឹងចូលរួមជាមួយ Real Madrid នៅខែមិថុនាឆ្នាំ២០២២នៅពេលដែលកិច្ចសន្យារបស់គាត់ជាមួយ PSG បានបញ្ចប់។ ទោះជាយ៉ាងណាក៏ដោយគាត់បានជ្រើសរើសការស្នាក់នៅទីក្រុងប៉ារីសហើយបានចុះហត្ថលេខាលើកិច្ចសន្យារយៈពេល៣ឆ្នាំជាមួយ PSG។ យោងតាមសារព័ត៌មាន El Nacional ខ្សែប្រយុទ្ធសញ្ជាតិបារាំងរូបនេះមិន រីករាយចំពោះការបន្តកុងត្រាដ៏មានសក្តានុពលរបស់ Lionel Messi នោះទេ។
កីឡាករអាហ្សង់ទីនទំនងជាបន្តកុងត្រាជាមួយក្លឹបប៉ារីសក្រោយឈ្នះ FIFA World Cup ២០២២។ ឥឡូវនេះការផ្លាស់ប្តូរចេញពី PSG ហាក់ដូចជា Mbappe ត្រូវបាន Real Madrid ដាក់គាត់នៅលើរ៉ាដារបស់ពួកគេម្តងទៀត។
ទោះជាយ៉ាងណាក៏ដោយ គេជឿថាការនាំយក Zinedine Zidane ដែលបានចាកចេញពី Real Madrid ក្នុងឆ្នាំ២០២១នឹងធ្វើឱ្យកីឡាករវ័យ២៤ឆ្នាំរូបនេះសប្បាយចិត្ត។ Zidane ក៏បានឈ្នះពានរង្វាន់ UEFA Champions League បីដងក្នុងអាជីពជាអ្នកចាត់ការរបស់គាត់ ហើយបទពិសោធន៍របស់គាត់នៅក្នុងការប្រកួតនៅអឺរ៉ុបនឹងក្លាយជាកាដូដ៏ធំសម្រាប់ PSG។
Nasser Al-Khelaifi ប្រឈមមុខនឹងការប្រយុទ្ធដ៏ខ្លាំងមួយ ដែលព្យាយាមរក្សា Mbappe ខណៈដែលប្រធានក្លឹប Real Madrid លោក Florentino Perez នឹងធ្វើអ្វីគ្រប់យ៉ាងតាមអំណាចរបស់គាត់ដើម្បីនាំយកតារាឆ្នើមរូបនេះសារជាថ្មីម្តងទៀត៕
