Messi បានយល់ព្រមបន្ដកុងត្រានៅ PSG ហើយ
ខ្សែប្រយុទ្ធ Lionel Messi បានយល់ព្រមបន្ដកុងត្រាថ្មីនៅក្លឹប PSG ហើយ ក្រោយពីរូបគេបានជួយជម្រើសជាតិអាហ្សង់ទីនឈ្នះពានរង្វាន់ FIFA World Cup 2022 មក។
Messi បានឈានដល់ឆ្នាំចុងក្រោយនៃកុងត្រារបស់គេក្នុងក្លឹប PSG ហើយ។ យ៉ាងណាមិញ បន្ទាប់ពីបានឈ្នះពាន World Cup ជាមួយក្រុមអាហ្សង់ទីនមក កីឡាករវ័យ៣៥ឆ្នាំរូបនេះក៏បានសម្រេចចិត្តបន្ដកុងត្រាថែម១ឆ្នាំទៀតជាមួយក្រុមអ្នកមានបារាំងនេះដល់ឆ្នាំ២០២៤ឯណោះ។ យ៉ាងណាមិញ គេមិនទាន់បានចុះហត្ថលេខាផ្លូវការអីនៅឡើយទេ ដោយសារតែ Messi នៅមិនទាន់ត្រលប់មកពីប្រទេសអាហ្សង់ទីនវិញនៅឡើយ។ តាមគម្រោងម្ចាស់ពាន Ballon dÓr ៧សម័យកាលនេះនឹងត្រលប់មកវិញនៅដើមខែមករាឆ្នាំ២០២៣ឯណោះ។
រំលឹកថាប្រភពជាច្រើនក៏បានចេញផ្សាយផងដែរទាក់ទងទៅនឹងអនាគតរបស់ Messi នេះ ដោយមានខ្លះជឿជា Barcelona នឹងនាំ Legend របស់ខ្លួនត្រលប់ទៅវិញមិនខាន។ តែជាក់ស្ដែង រហូតមកដល់ពេលនេះ ក្រុមអ្នកមានបុណ្យ Barcelona មិនមានសំណើរឬទាក់ទង Messi ដើម្បីចរចាឱ្យទៅលេងនៅអេស្ប៉ាញវិញនោះទេ៕
