ខ្សែប្រយុទ្ធ Lionel Messi បានរងរបួសទៅហើយ ក្នុងការប្រកួតកន្លងទៅនេះ ដែលធ្វើឱ្យមានភាពស្រពិចស្រពិលនៅឡើយក្នុងការប្រកួតទល់ក្រុម Bayern Munich នៅពានរង្វាន់ UEFA Champions League ។
ក្រុម PSG បានបរាជ័យក្រោមថ្វីជើងក្រុម Marseille ក្នុងលទ្ធផល ២-១ ធ្វើឱ្យពួកគេរបូតពានរង្វាន់ France Cup មួយទៅហើយនៅត្រឹមវគ្គ១៦ក្រុមចុងក្រោយ។ មិនត្រឹមតែបាត់ពានមួយនេះទេ ក្រុម PSG ក៏ទំនងជាបាត់កីឡាករសំខាន់ម្នាក់ទៀតដែរ។ Messi បានរងរបួសសាច់ដុំក្នុងការប្រកួតមួយនេះ ដែលទំនងជាអាចធ្វើឱ្យគេមិនអាចលេងទល់ក្រុម Bayern Munich នៅសប្ដាហ៏ក្រោយនេះបានទេ។
ប្រសិនបើពិតមែន នោះ PSG អាចនឹងពិបាកបន្ដិចហើយ ខណៈដែល Kylian Mbappe បានអវត្តមានស្រេចទៅហើយ ក្រោយពីមានបញ្ហារបួសដូចគ្នា។ UEFA Champions League ជាពានសំខាន់ណាស់ ដែល PSG ខិតខំរាល់ឆ្នាំ និងតែងតែប៉ងជានិច្ចក្នុងការលើកវាឱ្យបាន៕
