Messi ៖ អាហ្សង់ទីន មិនខ្លាចក្រុមណាទាំងអស់នៅ World Cup 2022
ខ្សែប្រយុទ្ធ Lionel Messi បានអះអាងថាក្រុមអាហ្សង់ទីនរបស់ខ្លួនមិនខ្លាចក្រុមណាទាំងអស់ក្នុងការប្រកួតពានរង្វាន់ FIFA World Cup 2022 ខាងមុខនេះ។
ម្ចាស់ជើងឯកពានរង្វាន់ Copa America
ខាងលើកំពុងមានកំណត់ត្រាល្អណាស់ ពោលគឺលេខ៣៥ប្រកួតហើយមិនទាន់ស្គាល់ពាក្យថាចាញ់នោះទេ។ ខណៈដែលការប្រកួត FIFA World Cup នៅប្រទេសកាតានោះទៀតសោត ពួកគេបានចាប់ពូលនៅជាមួយក្រុមអារ៉ាប់បីសាអូឌីត មិចសិកូ និងប៉ូឡូញ។ ស្ថិតក្នុងពូល C នេះដែរ ក្រុមអាហ្សង់ទីនត្រូវបានគេមើលឃើញថាមានភាគរយច្រើនក្នុងការឡើង
ចំពោះការប្រកួតនៅ World Cup នេះ
ដែរ Lionel Messi ប្រធានក្រុមអាហ្សង់ទីន បានបង្ហាញចំណាប់អារម្មណ៍ថា៖ “World Cup ជាការប្រកួតលំបាក មានរឿងជាច្រើននឹងកើតឡើង យើងមិនអាចមើលស្រាលបាននោះទេ។ ទោះជាអ្នកលេងល្អ ប៉ុន្តែវាអាចនឹងមានកត្ដាធ្វើឱ្យអ្នកធ្លាក់បាន។ មានក្រុមជាច្រើនក៏កំពុងលេងបានល្អដែរ ដូចនឹងអាហ្សង់ទីនដែរ។ យើងនឹងចូលរួមប្រកួតនេះដើម្បីប្រជែងជាមួយក្រុមឯទៀត យើងមិនខ្លាចក្រុមណាទេ ព្រោះយើងបានត្រៀមរួចហើយ”។
រំលឹកថាអាហ្សង់ទីនបានឈ្នះ World Cup ចុងក្រោយនៅឆ្នាំ១៩៨៦ឯណោះ។ ខណៈដែលក្រោយមកទៀត កំណត់ត្រាល្អបំផុតរបស់ពួកគេគឺនៅឆ្នាំ២០១៤ ដែលបានឡើងដល់វគ្គផ្ដាច់ព្រ័ត្រ តែសោកស្ដាយកាលនោះលេងចាញ់ក្រុមអាល្លឺម៉ង់៕
