Neymar ចង់ចូលនិវត្តន៍នៅ PSG តែម្ដង មិនចង់ចាកចេញទៅណាទេ
ខ្សែប្រយុទ្ធ Neymar មានបំណងចង់ចូលនិវត្តន៍នៅក្លឹប PSG តែម្ដង មិនចង់ចាកចេញទៅលេងឱ្យក្លឹបណាទៀតនោះទេ បើទោះជាកន្លងមកនេះមានអ្នកគាំទ្ររិះគន់ច្រើនក្ដី។
កីឡាករប្រេស៊ីលខាងលើបានរងរបួសកជើងដែលត្រូវវះកាត់ សម្រាករហូតដល់ចប់រដូវកាលនេះតែម្ដង។ ដោយរបួសនេះដែរ កើតឡើងសឹងតែរាល់រដូវកាលទៅហើយ ដែលធ្វើឱ្យអ្នកគាំទ្រ PSG ចាប់ផ្ដើមមានអារម្មណ៍នឿយហត់ជាមួយបញ្ហាដែល Neymar តែងតែកើតមាន ជាពិសេសនៅពាក់កណ្ដាលរដូវកាលដែលជាសុទ្ធតែជាការប្រកួតសំខាន់។ ជាក់ស្ដែង រូបគេបានរងរបួស មុនប្រកួតទល់ Bayern Munich នៅ Champions League វគ្គ១៦ក្រុមចុងក្រោយ។ លទ្ធផល ក្រុមក៏ចាញ់ Bayern នឹងធ្លាក់ចេញពីពានរង្វាន់នេះទៅហើយ។
តែទោះជាយ៉ាងនេះក្ដី Neymar បានអះអាងកន្លងមកថារូបគេមិនមានបំណងចង់ចាកចេញទៅណាទេ។ ដោយ PSG ជាក្លឹបចុងក្រោយដែលខ្លួនចង់បន្ដអាជីពបាល់ទាត់ ហើយក៏ជាក្លឹបដែលគេចង់ចូលនិវត្ដន៍នៅទីនេះផងដែរ។ កីឡាករវ័យ៣១ឆ្នាំនេះ ផ្លាស់ពី FC Barcelona មកក្នុងតម្លៃខ្លួន២២២លានអឺរ៉ូកាលពីឆ្នាំ២០១៧កន្លងទៅ។ Neymar បានជួយ PSG ឈ្នះពាន១១ពាន និងបានដល់វគ្គផ្ដាច់ព្រ័ត្រម្ដងនៅ UEFA Champions League។ រូបគេបង្ហាញខ្លួនសរុប១៧៣ប្រកួត និងរកបាន១១៨គ្រាប់៕
