Pep ថានឹងលែងមានអ្នកសង្ស័យចំពោះ GOAT Messi ទៀតហើយ
លោក Pep Guardiola អ្នកចាត់ការក្រុម Manchester City បានអះអាងថានៅពេលនេះ នឹងមិនមានការសង្ស័យមន្ទិលអ្វីទៀតនោះទេ ចំពោះរឿងដែល Lionel Messi ជា GOAT នោះទេ។
Pep ជឿជាក់ថាដល់ពេលហើយដែលគ្រប់គ្នាត្រូវតែទទួលស្គាល់ចំពោះសមត្ថភាពគ្មានពីររបស់ Messi ក្នុងវិស័យបាល់ទាត់។ មិនថានៅក្លឹបអាជីព និងជម្រើសជាតិអាហ្សង់ទីនទេ រូបគេសុទ្ធតែឈ្នះអស់ទៅហើយពានរង្វាន់ទាំងអស់។ ជាក់ស្ដែង ការជួយអាហ្សង់ទីនឈ្នះ World Cup 2022 គឺពិតជារឿងដែលមិនអាចកាត់ថ្លៃបានឡើយសម្រាប់រូបគេ ហើយអ្នកគាំទ្រក៏ត្រូវទទួលស្គាល់ផងដែរ។
អតីតអ្នកចាត់ការក្រុម FC Barcelona បាននិយាយថា៖ “គ្រប់គ្នាសុទ្ធតែមានការគិតរៀងខ្លួន ប៉ុន្តែនឹងគ្មាននរណាម្នាក់សង្ស័យទៅលើ Messi ទៀតនោះទេ។ គាត់ជាកីឡាករល្អបំផុតក្នុងប្រវត្តិសាស្ត្របាល់ទាត់។ ពិបាកណាស់ក្នុងការរកអ្នកដែលអាចប្រជែងជាមួយអ្វីដែលគាត់បានធ្វើកន្លងមក”៕
