Pep បញ្ជាក់ថា Kalvin Phillips ត្រលប់ពី World Cup វិញ បែរជាឡើងគីឡូមិនអាចលេងបាន
លោក Pep Guardiola បានអះអាងថាខ្សែបម្រើ Kalvin Phillips ឡើងគីឡូរហូតដល់មិនអាចចូលហាត់និងលេងបានទេនៅពេលត្រលប់ពីការប្រកួត FIFA World Cup 2022 នៅកាតាវិញ។
អង់គ្លេសបានធ្លាក់ពីការប្រកួត World Cup 2022 តាំងពីវគ្គ៨ក្រុមចុងក្រោយម្ល៉េះ ដោយលេងចាញ់ក្រុមបារាំង។ តែយ៉ាងណាមិញ កីឡាករក្នុងនោះជាក់ស្ដែងដូចជា Kalvin ជាដើមនោះ បែរជាឡើងទម្ងន់ខុសប្រក្រតីទៅវិញ រហូតដល់លោក Pep មិនអាចដាក់គេឱ្យបានឡើយក្នុងការប្រកួតទល់ក្រុម Liverpool ក្នុងពានរង្វាន់ Carabao Cup កន្លងទៅនេះ។
លោក Pep បាននិយាយបែបនេះថា៖ “យើងមិនដាក់គាត់លេង មិនមែនគាត់មានរបួសនោះទេ។ គាត់បានត្រលប់មកវិញជាមួយការលើសទម្ងន់។ ខ្ញុំមិនដឹងថាហេតុផលអ្វីបានជាបែបនេះឡើយ។ គាត់ត្រលប់មកវិញជាមួយស្ថានភាពមិនអាចហាត់បាននិងលេងបាននោះទេ។ គាត់ជាកីឡាករសំខាន់ក្នុងក្រុមរបស់យើង នៅពេលគាត់អាចលេងបានវិញ យើងនឹងដាក់គាត់ឱ្យចូលលេងវិញ”៕
