Pep ៖ការងារខ្ញុំនៅ Man City មិនចប់ឡើយ បើមិនឈ្នះ Champions League
លោក Pep Guardiola បានអះអាងថាក្ដីស្រមៃធំបំផុតរបស់លោកនៅក្លឹប Manchester City គឺការឈ្នះពានរង្វាន់ UEFA Champions League ។
ក្រុម Man City បានឡើងដល់វគ្គផ្ដាច់ព្រ័ត្រម្ដង ពាក់កណ្ដាលផ្ដាច់ព្រ័ត្រម្ដង និង៨ក្រុមចុងក្រោយ៣ដងមកហើយក្នុងពានរង្វាន់ UEFA Champions League ។ យ៉ាងណាមិញ លោក Pep បានអះអាងថានេះមិនមែនជាអ្វីដែលក្លឹបចង់បាននោះទេ។ អ្វីដែលពួកគេត្រូវការបំផុតគឺលើកពានរង្វាន់នេះឱ្យបាន ហើយនោះជាតម្រូវការដែលលោកទាមទារបំផុត និងសម្រេចឱ្យបានក្នុងការដឹកនាំក្រុម Man City នេះ។ ប្រសិនបើមិនទាន់អាចធ្វើបានទេ នោះការងាររបស់លោកនៅក្រុមមួយនេះមិនអាចបញ្ចប់ទៅបាននោះទេ។
រំលឹកថាលោក Pep ទើបតែបន្ដកុងត្រា២ឆ្នាំទៀតជាមួយក្រុម Man City អំឡុងពេលប្រកួត World Cup 2022 កន្លងទៅនេះ។ ដោយការបន្ដកុងត្រាថ្មីនេះដែរ បានសបញ្ជាក់ឱ្យឃើញថាលោកនឹងអាចដឹកនាំបានច្រើនឆ្នាំទៅមុខទៀត ដើម្បីសម្រេចឱ្យបានបំណងក្នុងការឈ្នះពាន UEFA Champions League៕
