Pep ៖ ខ្ញុំជោគជ័យនៅ City ឬអត់ អាស្រ័យលើការឈ្នះ Champions League
លោក Pep Guardiola បាននិយាយថាការជោគជ័យរបស់លោកនៅក្លឹប Manchester City គឺអាស្រ័យទៅលើលទ្ធផលនៃការប្រកួតក្នុងពានរង្វាន់ UEFA Champions League ។
Pep មកដឹកនាំក្រុម Man City តាំងពីឆ្នាំ២០១៦មក នឹងបានជួយក្លឹបនេះឈ្នះពានដល់ទៅ៩ទៅហើយ ប៉ុន្តែក្នុងនោះមិនមានពានរង្វាន់ UEFA Champions League នោះទេ។ អ្នកគាំទ្រជាច្រើនចង់ឃើញក្លឹបឈ្នះពាន UCL ជាលើកដំបូងឱ្យបាន ព្រោះតាំងពីដើមមកពួកគេ មិនដែលបានឈ្នះពានរង្វាន់អន្ដរជាតិក្នុងទ្វីបអឺរ៉ុបនេះឡើយ បើទោះជាបានចំណាយប្រាក់ជាច្រើនហើយក៏ដោយ។
លោក Pep បាននិយាយដែរថា៖ “ជោគជ័យឬអត់ គឺអាស្រ័យលើលទ្ធផលនៅ Champions League របស់ខ្ញុំ។ ពេលខ្ញុំមកដល់ទីនេះភ្លាម គ្រប់គ្នាបាននិយាយថាខ្ញុំត្រូវឈ្នះ Champions League ឱ្យបាន។ ខ្ញុំក៏ភ្ញាក់ផ្អើលចំពោះរឿងនេះដែរ ប៉ុន្តែមែនទែនទៅ វាពិតជាដូច្នេះមែន”៕
