គ្រូបង្វឹកក្រុមតោខៀវ Chelsea លោក Graham Potter បានបង្ហាញថា គាត់បានទទួលសារគំរាមកំហែងដល់ការស្លា.ប់របស់គាត់ និងក្រុមគ្រួសាររបស់គាត់ ក្នុងអំឡុងពេលដ៏ខ្លីរបស់គាត់នៅក្នុងការដឹកនាំនៅ Stamford Bridge។
គ្រូបង្វឹករូបនេះបានប្រឈមមុខនឹងការរិះគន់ក្នុងពេលថ្មីៗនេះ ដោយការចាញ់ក្រុម Southampton ក្នុងផ្ទះ ១-០ កាលពីសប្តាហ៍មុន បើទោះបីជាបាន ចំណាយលុយទិញកីឡាករចូលដ៏ច្រើនសន្ធឹកសន្ធាប់យ៉ាងណាក៏ដោយ។ខណៈពេលដែលអ្នកគាំទ្រមួយចំនួននៅតែបង្ហាញការអត់ធ្មត់ អ្នកខ្លះទៀតបានប្រឆាំងនឹង Potter ហើយមនុស្សមួយចំនួនតូចបានសម្តែងការមិនពេញ ចិត្តរបស់ពួកគេយ៉ាងខ្លាំង។
Potter បាននិយាយកាលពីថ្ងៃសុក្រថា៖
“ប្រសិនបើអ្នកទៅធ្វើការ ហើយមាននរណាម្នាក់ស្រែកដាក់អ្នក ប្រសិនបើអ្នកត្រូវបានគេថាជាមនុស្សអាក្រក់បំផុត ក្នុងប្រវត្តិសាស្ត្រក្លឹប នោះអ្នកនឹងមិនរីករាយទេ។ ខ្ញុំមានអ៊ីមែលដ៏អាក្រក់បំផុតមួយផ្ញើមកដែលចង់ឱ្យខ្ញុំស្លាប់ និងចង់ឲ្យកូនរបស់ខ្ញុំស្លាប់ នោះច្បាស់ជាមិនសប្បាយចិត្តទេ”។
