ក្រុមអធិរាជស Real Madrid បានស្គាល់បរាជ័យជាលើកដំបូងហើយ ដោយលេងចាញ់ក្រុម RB Leipzig ក្នុងលទ្ធផល ៣-២ ក្នុងការប្រកួតពានរង្វាន់ UEFA Champions League នៅយប់មិញនេះ។
នៅរដូវកាលនេះ១៦ប្រកួតកន្លងមក ក្រុមរបស់លោក Carlo Ancelotti មិនស្គាល់ពាក្យថាចាញ់នោះទេ ដោយឈ្នះ១៤ប្រកួត ស្មើ២ប្រកួត។ ទើបតែប្រកួតនៅយប់មិញនេះទេ ដែលពួកគេស្គាល់ពាក្យថាបរាជ័យ ក្រោយពីអវត្ដមានកីឡាករសំខាន់ៗជាច្រើននាក់ដូចជា Karim Benzeme , Valverde និង Luka Modric ជាដើម។
តែទោះជាយ៉ាងនេះក្ដី ក្រុមការពារតំណែងជើងឯក UCL មួយនេះនៅតែឈរនៅចំណាត់ថ្នាក់លេខ១ក្នុងពូលដដែល និងទទួលបានកៅអីឡើងវគ្គ១៦ក្រុមចុងក្រោយទៅហើយ។ ឆ្លងកាត់៥ប្រកួតមកនេះ ពួកគេមាន១០ពិន្ទុ និងក្រុមលេខ២ RB Leipzig មាន៩ពិន្ទុ និងក្រុមលេខ៣ Shakhtar Donetsk មាន៦ពិន្ទុ៕
