GIF TROLLSPORT-1

Xavi ជឿ​ថា​កូន​ប្រុស​អតីត​នាយករដ្ឋមន្ត្រី​កាតា​ប្រាកដ​ជា​ទិញ​បាន​ក្លឹប Man Utd

លោក Xavi Hernandez អ្នក​ចាត់ការ​ក្លឹប Barcelona យល់​ថា លោក Sheikh Jassim bin Hamad Al Thani ដែល​ជា​ប្រធាន​ក្រុមប្រឹក្សាភិបាល​ធនាគារ​ឥស្លាម​កាតា និង​ជា​កូន​ប្រុស​របស់​អតីត​នាយករដ្ឋមន្ត្រី​កាតា ប្រាកដ​ជា​ទិញ​ក្លឹប​ Manchester United បាន។

Sheikh Jassim បាន​ដេញ​ថ្លៃ​ទិញ​ក្លឹប​បិសាច​ក្រហម​នៅ​នាទី​ចុង​ក្រោយ ខណៈ​គ្រួសារ​ត្រកូល​ Glazer ប្រុង​លក់​ក្លឹប​យ៉ាង​តិច​ក៏​ក្បែរ ៦ប៊ីលាន​ដុល្លារ​អាមេរិក​ដែរ។

ទាក់ទិន​នឹង​រឿង​នេះ​ដែរ លោកXavi បាន​និយាយ​ថា៖ «ខ្ញុំ​មាន​ទំនាក់ទំនង​ល្អ​ជាមួយ​មនុស្ស​ដែល​ចាប់​អារម្មណ៍​ទិញ​ក្លឹប​ [Manchester United] គាត់​ជា​មនុស្ស​ម៉ឺងម៉ាត់ ហើយ​ខ្ញុំ​ជឿជាក់​ថា​គាត់​នឹង​ធ្វើ​បាន​ល្អ»

លោក Xavi ធ្លាប់​រស់​នៅ​កាតា​បាន ៦ឆ្នាំ ដោយ​លេង​ជា​កីឡាករ​បាន ៤ឆ្នាំ និង​ធ្វើ​ជា​គ្រូ​បង្វឹក​បាន ២ឆ្នាំ។

លោក​បាន​បន្ថែម​ថា៖ «ខ្ញុំ​ស្គាល់​គាត់​ច្បាស់​ណាស់។ ខ្ញុំ​គិត​ថា លោក​ជា​មនុស្ស​ល្អ ជាមួយ​នឹង​ភាព​ទំនួលខុសត្រូវ។ ខ្ញុំ​គិត​ថា​គាត់​ជា​ជម្រើស​ល្អ​មួយ​សម្រាប់ United»

Facebook Comments Box

Leave a Reply

Your email address will not be published. Required fields are marked *