Zinedine Zidane នឹងត្រលប់ទៅដឹកនាំក្លឹបអាជីពវិញនៅឆ្នាំ២០២៣ខាងមុខនេះហើយ ប្រសិនបើលោកមិនទទួលបានតំណែងជាគ្រូបង្វឹកក្រុមជម្រើសជាតិបារាំងទេ។
Zidane បានទំនេរពីការងារគ្រូបង្វឹកជាច្រើនខែមកហើយ និងត្រូវបានគេដឹងថាលោកកំពុងរង់ចាំឱកាសដើម្បីដឹកនាំក្រុមជម្រើសជាតិបារាំងបន្ដពីលោក Didier Deschamps នៅក្រោយចប់ World Cup 2022 នេះ។ យ៉ាងណាមិញ ក្រោយពីលោក Didier Deschamps ដឹកនាំក្រុមបារាំងបានយ៉ាងល្អមក ឃើញថាថ្នាក់ដឹកនាំបារាំង និងសាមីខ្លួនផ្ទាល់នៅមិនទាន់សម្រេចថានឹងដើរចេញឬយ៉ាងណានោះទេ។ ការសម្រេចចិត្តមួយនឹងកើតមានឡើងនៅដើមឆ្នាំ២០២៣ខាងមុខ ពោលគឺនៅខែមករាតែម្ដងដើម្បីសម្រេចថាលោក Didier Deschamps នឹងបន្ដដឹកនាំឬលោក Zidane មកចូលជំនួស។
ទន្ទឹមគ្នានេះដែរ គ្រូបង្វឹកដែលដឹកនាំ Real Madrid ឈ្នះពាន UEFA Champions League បានដល់ទៅ៣ដងជាប់គ្នានោះអះអាងដែរថាលោកនឹងមិនចាំបន្ដទៀតទេ។ ប្រសិនបើឆ្នាំ២០២៣ខាងមុខ បារាំងមិនទាន់សម្រេចចិត្តយកលោកទៅដឹកនាំក្រុមទេ នោះលោកនឹងឈានជើងចូលប្រឡូកដឹកនាំក្លឹបបាល់ទាត់អាជីពវិញទៀតហើយ៕
